Salmo 146:4 - Marahay na Bareta Biblia

⁴ Kun sinda magadan, mabalik sinda sa alpog; sa aldaw na iyan, an gabos nindang plano matatapos.

Salmo 146:4 ပူးပေါင်းရင်းမြစ်များ

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

An Libro ni Job 14:10

Alagad nagagadan an tawo, asin iyan na an saiyang kataposan; nagagadan siya, dangan haen na siya?

An Libro ni Job 14:21

Iginagalang an mga aki niyang lalaki, alagad dai niya iyan aram, ni may magsabi saiya kun sinda nasosopgan.

An Libro ni Job 17:1

Ronot na an sakong espiritu. Tapos na an mga aldaw ko; andam na para sako an lulubngan.

An Libro ni Job 17:11

“Lihis na an sakong mga aldaw; dai naotob an sakong mga plano; nawara an sakong paglaom.

An Libro ni Job 27:3

mantang igwa ako nin buhay, asin an hinangos nin Dios nasa sakong dungo;

Salmo 104:29

Kun minatalikod ka, nahahandal sinda; kun hinahale mo an saindang hinangos, nagagadan sinda asin minabalik sa alpog na saindang ginikanan.

Salmo 33:10

Linalaglag nin Kagurangnan an mukna kan mga nasyon; rinaraot niya an mga plano kan mga banwaan.

Salmo 90:3

An tawo ibinabalik mo sa alpog; tinataraman mo, “Bumalik kamo, mga aki nin tawo!”

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 9:6

Kaiba nindang nagadan an saindang pagkamoot, an saindang pagkaongis asin pagkaori. Mayo na sinda nin kahirasan sa mga nangyayari sa kinaban.

Isaias 2:22

Dai na kamo magsarig sa mga tawo, huli ta ano an makukua nindo saiya?

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

1 Corinto 2:6

Alagad sa mga tawong pusog na an pagtubod, nagtutukdo ako nin kadonongan. Alagad an kadonongan na iyan bakong gikan sa panahon na ini, o sa mga namamayo kan kinaban na ini, na mga minaagi sana.