Salmo 143:8 - Marahay na Bareta Biblia

⁸ Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Salmo 143:8 ပူးပေါင်းရင်းမြစ်များ

Salmo 119:34

Tawe ako nin pakasabot, tanganing maotob ko an saimong katogonan asin maotob ko iyan sa bilog kong puso.

Salmo 119:73

Linalang mo ako asin iniingatan; tawe ako nin pakasabot, tanganing manodan ko an saimong mga kabotan.

Salmo 143:10

Tukdoe ako na maotob an saimong kabotan, huli ta ika an sakuyang Dios. Pangenotan logod ako kan saimong espiritu sa dalan na patag asin ligtas.

Salmo 25:20

Ingati ako asin ligtasan; likayan ako sa kasopogan, huli ta ika an sakong pailihan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Salmo 32:8

Nagtaram an Kagurangnan, “Itutukdo ko saimo an dalan na saimong lalakawan; babantayan taka asin huhulitan.

Salmo 42:8

Kun aldaw ipinapahiling nin Kagurangnan an danay niyang pagkamoot; dangan kun banggi yaon sako an saiyang awit, sarong pamibi sa Dios nin sakuyang buhay.

Salmo 46:5

An Dios yaon duman sa syudad, dai iyan matatanyog; amay siyang maabot sa pagtabang kan syudad.

Salmo 5:8

Kagurangnan, kadakul kan sakong mga kaiwal! Pangenote ako sa paggibo kan saimong kabotan; pantaya an saimong dalan na sakong aagihan.

Salmo 59:16

Alagad aawiton ko an saimong kosog; sa pagkaaga aawiton ko an danay mong pagkamoot sa makosog na tingog. Huli ta ika nagin sarong bantayan para sako, sarong pailihan sa panahon nin sakong kasakitan.

Salmo 86:4

Paogmaha an saimong sorogoon, Kagurangnan, huli ta sa saimo iniitaas ko an sakuyang kalag.

Salmo 90:14

Pagkaaga panoa kami kan danay mong pagkamoot, tanganing mag-awit kami asin mag-ogma sa bilog nyamong pagkabuhay.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Mga Panambitan 3:41

Bukasan ta an satong puso sa Dios na nasa langit asin mamibi kita,

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Hukom 13:12

Nagsabi si Manoa, “Kun mangyari an sinabi mo, paano mamumuhay an aki? Ano an gigibohon niya?”

1 Samuel 23:12

Naghapot giraray si David, “Itatao daw ako asin an sakong mga kairiba kan mga taga Keila sa kamot ni Saul?” “Itatao ka ninda,” an simbag nin Kagurangnan.