Salmo 143:7 - Marahay na Bareta Biblia

⁷ Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 143:7 ပူးပေါင်းရင်းမြစ်များ

Salmo 102:2

Hare pagtagoa sako an saimong lalawogon, sa mga aldaw nin sakong kasakitan! Himatea ako; simbaga tolos sa aldaw na ako mag-apod.

Salmo 22:24

Huli ta dai siya nabaldi sa mga dukha, dai nalingaw kan saindang kasakitan; dai man niya sinda tinalikdan, ata ngani dinangog kan sinda mag-agrangay.”

Salmo 27:9

Dai ka magtago sako!” Dai ka maanggot sako; hare pagsubolan an saimong sorogoon. Ika an sakong nagin tabang; hare ako pagpabayae o pagsikwalan. O Dios nin sakong kaligtasan!

Salmo 28:1

Sa saimo, Kagurangnan, ako minaapod; hinanyoga ako, O sakuyang parasurog. Kun dai ka sako magdangog, makakaarog ako sa mga nahulog sa kalot.

Salmo 40:17

Maluya ako saka dukha, Kagurangnan, alagad dai mo linilingawan. Ika an sakuyang tabang asin paraligtas; hare paghaloy, O sakuyang Dios!

Salmo 69:17

Hare pagtagoa sa saimong sorogoon an lalawogon mo; huli ta ako nahohorasa, tolos simbaga ako.

Salmo 69:18

Madya sako, tubosa ako, ligtasan ako sa mga kaiwal ko.

Salmo 69:3

Napapagal na ako sa kahihibi; mamara na an sakuyang halonan. Nagdidiklom na an sakuyang mga mata, sa kahahalat saimo, O Dios.

Salmo 70:5

Ako dukha asin nangangaipo, O Dios, paghumare sa pagtabang sako. Ika an sakuyang tabang asin paraligtas, hare paghaloy, Kagurangnan.

Salmo 71:12

O Dios, dai ka magharayo sako; sakuyang Dios, paghumare sa pagtabang sako!

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Mga Talinhaga 13:12

Kun nawawara an paglaom naroronot an puso, alagad an kamawotan na naotob nagtatao nin kaogmahan.

Isaias 38:18

Mayong makakaomaw saimo sa kinaban kan mga gadan; dai makakasarig sa saimong kaimbodan an sarong gadan.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Isaias 8:17

Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Lukas 21:26

Madidismayo an mga tawo sa takot sa paghorop-horop kun ano an maabot sa bilog na kinaban, huli ta an mga kapangyarihan sa kalangitan matatanyog.