Salmo 142:3 - Marahay na Bareta Biblia

³ Kun maluya na an sakong espiritu, aram niya an gigibohon ko. Sa dalan na sakong pinaglalakawan, igwang itinagong litag para sako an sakong mga kaiwal.

Salmo 142:3 ပူးပေါင်းရင်းမြစ်များ

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 102:1

Dangoga an sakong pamibi, Kagurangnan; an sakong inagrangay makaabot logod saimo!

Salmo 102:4

Siring sa doot, naroronot an puso ko asin naaalang; nawawaraan ako nin gana na magkakan.

Salmo 140:5

Mga mapaabaw-abaw nagbugtak nin litag para sako; nagbugtak sinda nin mga siod sa dalan na sakong aagihan.

Salmo 141:9

Likayan ako sa siod na inandam ninda para sako; asin man sa mga litag kan mga naggigibo nin maraot.

Salmo 143:4

Kaya pinanluluya an sakong espiritu, asin natatakot an puso ko.

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 31:4

Likayan ako sa litag na inandam para sako, huli ta ika an pailihan ko.

Salmo 56:6

Sinda nagtitiripon sa mga tagong lugar; binabantayan an sakuyang mga lakaw, nagmamawot na ako saindang magadan.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Salmo 77:3

Kun iniisip ko an Dios, ako nag-aagrangay; kun ako naghohorophorop, nanluluya an sakong boot.

Jeremias 18:22

Magpadara ka nin mga tawo na mayo nin patanid na masamsam kan saindang mga harong; pakurahawa sinda sa takot. Nagkalot sinda tanganing mahulog ako asin nagbugtak sinda nin mga litag tanganing madakop ako.

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

Mateo 22:15

Pagkatapos, naghale an mga Fariseo dangan inisip na pataluksohon si Jesus.