Salmo 140:9 - Marahay na Bareta Biblia

⁹ Dai man logod manggana an sakong mga kaiwal; humugpa logod sainda an karatan na saindang itinaram.

Salmo 140:9 ပူးပေါင်းရင်းမြစ်များ

Esther 5:14

Kaya sinabihan siya kan agom niya asin kan saiyang mga katood, “Magpagibo ka nin bitayan na beynte y dos metros an langkaw, asin sa aga hagadon mo sa hade na bitayon duman si Mardokeo. Dangan maogma kang maduman sa bangkete kaiba an hade.” Naoyonan ini ni Haman, kaya nagpagibo siya nin bitayan.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Salmo 7:16

Kaya siya an nagdudusa sa ginibo niyang karatan; nakukulgan kan gibo niyang kadahasan.

Salmo 94:23

Papadusahan niya sinda huli kan saindang karatan, tutunawon niya sinda huli kan saindang mga kasalan; gagadanon sinda nin Kagurangnan na satuyang Dios.

Mga Talinhaga 10:11

An ngoso kan matanos burabod nin buhay, alagad an sa maraot na tawo nagtatago nin kadahasan.

Mga Talinhaga 10:6

An mga bendisyon maabot sa matanos, alagad an ngoso kan maraot nagtatago nin kadahasan.

Mga Talinhaga 12:13

An maraot na tawo nasisiod kan sadiring tataramon, alagad nakakalikay sa anoman na pag-alaman an matanos.

Mga Talinhaga 18:7

An ngimot kan lolong iyo an magdadara saiya sa kapahamakan, siring na an saiyang mga ngabil iyo an mabugtak saiya sa pag-alaman.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’