Salmo 140:5 - Marahay na Bareta Biblia

⁵ Mga mapaabaw-abaw nagbugtak nin litag para sako; nagbugtak sinda nin mga siod sa dalan na sakong aagihan.

Salmo 140:5 ပူးပေါင်းရင်းမြစ်များ

An Libro ni Job 18:9

Matutongtongan niya an sarong litag, sarong siod an madakop saiya.

Salmo 119:110

Nagbugtak nin mga siod para sako an mga tawong maraot, alagad dai ko linalapas an saimong mga kabotan.

Salmo 119:69

Pinapakaraot ako kan mga mapaabaw-abaw, alagad bilog kong puso na sinusunod an saimong mga katukdoan.

Salmo 119:85

Mga mapaabaw-abaw nagkurutkot nin mga kalot para sako, mga tawong dai nagkukuyog kan saimong katogonan.

Salmo 142:3

Kun maluya na an sakong espiritu, aram niya an gigibohon ko. Sa dalan na sakong pinaglalakawan, igwang itinagong litag para sako an sakong mga kaiwal.

Salmo 31:4

Likayan ako sa litag na inandam para sako, huli ta ika an pailihan ko.

Salmo 35:7

Mayong dahelan na nagbugtak sinda nin siod para sako; mayong dahelan na nagkalot sinda sa pagdakop sako.

Salmo 36:11

Hare pagtugot na salakayon ako kan mapaabaw-abaw, o mapadulag ako kan mga tampalasan.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Mga Talinhaga 24:15

Dai ka mag-arog sa tampalasan na nananalakat nin harong nin matanos asin nananamsam kan saiyang rogaring.

Mga Talinhaga 29:5

An tawong sagin-sagin na nag-oomaw sa saiyang mga katood, nagbubugtak nin litag para sa saiya man sana.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 18:20

An karatan iyo daw an bayad sa karahayan? Alagad nag-andam sinda nin kalot na paghuhulogan ninda sako. Giromdoma kun paano ako nagtindog sa atubangan mo asin nakiolay para sainda, tanganing dai mo ipamate sainda an saimong kaanggotan.

Jeremias 18:22

Magpadara ka nin mga tawo na mayo nin patanid na masamsam kan saindang mga harong; pakurahawa sinda sa takot. Nagkalot sinda tanganing mahulog ako asin nagbugtak sinda nin mga litag tanganing madakop ako.