Salmo 140:13 - Marahay na Bareta Biblia

¹³ Oomawon nanggad kan mga matanos an saimong ngaran; asin mag-eerok sinda sa saimong atubang.

Salmo 140:13 ပူးပေါင်းရင်းမြစ်များ

An Libro ni Job 36:6

Dai niya tinutugotan na mabuhay an parakasala, alagad tinatawan niya kan saindang deretso an daing sukat.

Salmo 11:7

An Kagurangnan matanos asin namomoot sa mga matanos na gibo; an minagibo kaiyan mag-eerok sa saiyang atubang.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Salmo 23:6

Totoong an karahayan saka an pagkaherak magdadanay sako sa gabos na aldaw nin sakong buhay; mag-eerok ako sa harong nin Kagurangnan sagkod na ako may buhay.

Salmo 32:11

Mag-ogma kamo sa Kagurangnan maggayagaya kamong mga matanos. Magkurahaw kamo sa kaogmahan, kamong mga nagkukuyog saiya!

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Salmo 97:12

Kamong mga matanos, mag-ogma sa Kagurangnan; asin magpasalamat sa banal niyang ngaran!

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

1 Tesalonica 4:17

Dangan kita na mga buhay pa pag-abot kan panahon na iyan, dadarahon paitaas kaiba ninda sa mga panganoron tanganing sabaton sa itaas an Kagurangnan. Asin magdadanay na kitang kaiba kan Kagurangnan.