Salmo 14:3 - Marahay na Bareta Biblia

³ Gabos sinda nagsuhay sa dalan na matanos; gabos nagin maraot. Mayong natadang naggigibo nin tama, mayo, maski saro.

Salmo 14:3 ပူးပေါင်းရင်းမြစ်များ

Genesis 6:12

Nahiling nin Dios na an daga pano nin karatan huli sa maraot na pamumuhay kan mga tawo.

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

An Libro ni Job 15:16

gurano pa daw an tawong makauuyam asin maraot, na minainom nin karatan siring sa pag-inom niya nin tubig!

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 143:2

Dai mo paghukoman an sorogoon mo, huli ta mayo nin matanos sa atubang mo.

Salmo 38:5

Nagbabata asin naglalapa an sakong mga lugad huli kan sakong kalolongan.

Salmo 58:3

Poon na ipangidam, an mga tampalasan naglalagalag na; putikon na sinda poon pagkamundag.

Exodo 12:30

Kan bangging idto, nagimata an hade, an saiyang mga opisyal, sagkod an gabos na Egipcio. Nagkaigwa nin makosog na pagtangis sa bilog na Egipto, huli ta mayo nin harong na dai nin gadan.

Exodo 8:31

Ginibo nin Kagurangnan an hinagad ni Moises: hinale niya an mga langaw sa hade, sa saiyang mga opisyal sagkod sa saiyang mga nasasakopan; mayong natada maski sarong langaw.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Parahulit 7:29

Ini sana an sakong nanodan: an tawo linalang na matanos nin Dios, alagad naghanap siya nin dakul na kapurisawan sa buhay.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Roma 3:23

huli ta an gabos nagkasala asin harayo sa kamurawayan nin Dios.

1 Corinto 6:5

Masopog kamo! Ano, mayo diyan saindo nin maski saro na tataong maghusay kan iriwal nin magturugang?

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Efeso 2:3

Kita gabos arog man sainda kaidto; sinunod ta an mga bisyo kan satong laman, an mga kamawotan kan satong hawak saka isip. Huli kaini, maninigo sato kaidto an makuring padusa nin Dios arog kan iba.

Deuteronomio 1:35

‘Mayo nin siisay man sa maraot na kapagarakian na ini an makakaabot sa matubang na dagang ipinanuga ko na itatao sa saindong mga ginikanan.