Salmo 14:1 - Marahay na Bareta Biblia

¹ An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 14:1 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

An Libro ni Job 15:16

gurano pa daw an tawong makauuyam asin maraot, na minainom nin karatan siring sa pag-inom niya nin tubig!

An Libro ni Job 22:13

Alagad minahapot ka, ‘Ano an naaaraman nin Dios? Natatahoban siya kan mga panganoron—paano siya makakahukom sato?’

Salmo 10:4

An tawong tampalasan dai naghahanap sa Kagurangnan; an gabos niyang nasa isip, “Mayo nin Dios.”

Salmo 107:17

An nagkapira sainda mga lolong, nagtitios huli kan saindang mga kasalan asin huli kan saindang karatan;

Salmo 53:1

An mga lolong minasabi sa saindang puso, “Mayo nin Dios.” Gabos sinda marompot, naggigibo nin maraot; mayo nang minagibo nin matanos.

Salmo 73:3

huli ta naara ako sa mga mapaabaw-abaw, kan mahiling ko an kauswagan kan tampalasan.

Salmo 92:6

An sarong mangmang dai kaini makakasabot; an sarong patal dai man kaini makakasabot,

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 13:19

Nakakapagayagaya sa buhay an sarong kamawotan na naootob; alagad an mga lolong naoongis na magtalikod sa karatan.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Jeremias 5:12

An Kagurangnan pinagnegaran kan saiyang banwaan. An sabi ninda, “Mayo siya nin gigibohon na ano man. Mayo nin karatan na maabot samo; dai kami magkakaigwa nin gera o gutom.”

Jeremias 6:28

Sinda gabos rebeldeng matatagas an payo, matagas arog kan bronse saka lansang. Sinda gabos maraot, asin naglilibot sinda tanganing manlibak.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Lukas 12:20

Alagad sinabihan siya nin Dios, ‘Lolong! Ngunyan man sanang banggi magagadan ka. Sa kiisay mapapaduman an mga tinipon mo?’”

Efeso 2:12

Giromdomon nindo na kan panahon na idto, suhay kamo ki Cristo, mga dayuhan saka bakong kaayon sa banwaan na pinili nin Dios. Mayo kamong kabtang kaidto sa mga tipan asin mga panuga nin Dios. Namuhay kamo sa kinaban na ini na mayong paglaom asin mayong Dios.

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

1 Samuel 25:25

Hare pagtawe nin halaga si Nabal, an mayong halagang tawong idto! Arog man nanggad siya kan kahulogan kan saiyang ngaran—sarong lolong! Mayo ako duman kan mag-abot an saimong mga sorogoon.