Salmo 135:21 - Marahay na Bareta Biblia

²¹ Hale sa Sion omawon an Kagurangnan, na nag-eerok sa Jerusalem! Omawon an Kagurangnan!

Salmo 135:21 ပူးပေါင်းရင်းမြစ်များ

1 Mga Cronica 23:25

Nagsabi si David, “Tinawan nin Kagurangnan, an Dios nin Israel, nin katoninongan an saiyang banwaan; mag-erok siya sa Jerusalem sagkod lamang.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

Esdras 7:16

Darahon mo man an gabos na plata saka bulawan na nakokolekta mo sa bilog na probinsya nin Babilon asin an boluntad na mga dolot kan mga tawo saka mga padi para sa Templo nin saindang Dios sa Jerusalem.

Salmo 128:5

Bendisyonan ka logod nin Kagurangnan hale sa Sion! Mahiling mo logod an pag-uswag nin Jerusalem sa bilog mong pagkabuhay!

Salmo 134:3

Hale sa Sion, bendisyonan logod kamo nin Kagurangnan, na naggibo kan langit asin daga!

Salmo 48:1

Dakula an Kagurangnan asin maninigong pag-omawon sa syudad nin satong Dios, sa banal niyang bulod.

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

Salmo 48:3

An Dios nagpapahiling na sa laog kan mga bantayan siya an pailihan.

Salmo 48:9

O Dios, an danay mong pagkamoot hinohorophorop mi sa laog kan saimong Templo.

Salmo 76:2

An saiyang harong yaon sa Jerusalem, nag-eerok siya sa Bukid nin Sion.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.