Salmo 132:5 - Marahay na Bareta Biblia

⁵ sagkod na makakua ako nin lugar para sa Kagurangnan, sarong harong para sa Makakamhan na Dios ni Jacob.”

Salmo 132:5 ပူးပေါင်းရင်းမြစ်များ

2 Samuel 6:17

An Kaban nin Tipan nin Kagurangnan dinara ninda asin ibinugtak sa sadiri kaining lugar sa laog kan tolda na pinatindog ni David. Pakatapos, nagdolot si David nin mga tinutong na atang asin dolot para sa katoninongan sa Kagurangnan.

2 Samuel 7:1

Kan sa palasyo na nag-eerok si Hadeng David, asin kan dai na siya linalabanan kan gabos niyang mga kaiwal huli sa tabang nin Kagurangnan,

1 Mga Hade 8:17

Nagsabi pa si Solomon, “Nagmawot an sakong ama na si David na matugdok nin sarong Templo para sa Kagurangnan, an Dios nin Israel.

1 Mga Hade 8:27

“Alagad pwede daw na mag-erok sa daga an Dios? Kun an pinakahalangkaw na kalangitan dai ngani nagkakanigo saimo, gurano pa daw an Templong ini na sakuyang ipinatugdok?

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

1 Mga Cronica 15:3

Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

1 Mga Cronica 22:7

Sinabihan niya si Solomon, “Aki ko, minawot ko na magtugdok nin templo tanganing tawan nin onra an Kagurangnan na sakong Dios.

1 Mga Cronica 28:2

Nagtindog si David sa atubangan ninda asin nagsabi: “Magdangog kamo, mga tugang asin mga kahimanwa. Nasa puso ko na kaidto an pagtugdok nin sarong harong na bugtakan kan Kaban nin Tipan, an tungtongan kan Kagurangnan na satong Dios. Inandam ko na an mga kagamitan para sa pagtugdok kan templo,

2 Mga Cronica 2:6

Alagad siisay an makakapagtugdok nin sarong templo para saiya, na maski an kahiwasan kan bilog na kalangitan dai magkakanigo para saiya? Kaya anong templo an ikakapatugdok ko para saiya kundi arog sana sa sarong lugar na tinututongan nin insenso sa atubang niya?

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Efeso 2:22

Huli man kan saindong pakisumaro ki Cristo, kaiba man kamo nindang nagin kabtang kan erokan nin Dios sa saiyang Espiritu.