Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”
Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.
Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.
Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.
Giromdoma an saimong mga sorogoon na si Abraham, si Isaac saka si Jacob; pabayaan mo an katagasan nin payo kan mga tawong iyan, an saindang karatan asin kasalan;