Salmo 13:3 - Marahay na Bareta Biblia

³ Hilinga asin simbaga ako, Kagurangnan kong Dios. Balikan an sakong kosog; hare pagtugot na ako magadan.

Salmo 13:3 ပူးပေါင်းရင်းမြစ်များ

Esdras 9:8

Alagad ngunyan, O Kagurangnan, na samuyang Dios, sa kadikit na panahon naherak ka asin tinugotan mong makadulag sa kaoripnan an nagkapira samo asin tinugotan mong mag-erok na ligtas sa banal na lugar na ini. Pinadulag mo kami sa kaoripnan asin tinawan mo nin bagong buhay.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 18:28

Kagurangnan, tinatawan mo ako nin liwanag; hinahale mo an sakong diklom.

Salmo 25:19

Hilinga ta dakul an mga kaiwal ko; makuri an saindang kaanggotan sako.

Salmo 31:7

Mag-oogma ako huli kan danay mong pagkamoot, huli ta nahiling mo an sakong kasakitan, nasabotan mo an sakong mga kahorasaan.

Salmo 5:1

Hinanyoga an sakong pamibi, Kagurangnan, himatea an sakong inagrangay.

Salmo 9:13

Maherak ka sako, O Kagurangnan! Hilinga an sakong mga kasakitan na gibo kan sakong mga kaiwal! Ligtasan ako sa kagadanan, O Kagurangnan,

Jeremias 51:39

Mga unason daw sinda? Ipag-aandam ko sinda nin sarong bangkete, saka buburaton ko sinda asin papaogmahon. Makatorog sinda asin dai na nanggad magigimata.

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Mga Panambitan 5:1

Giromdoma, Kagurangnan, an nangyari samo; masdan mo kami asin hilinga an samong kasosopgan.

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

1 Samuel 14:27

Alagad dai nadangog ni Jonatan an saiyang ama kan siya magpatanid, kaya idinuta niya an saiyang sugkod sa dugos asin nagkakan siya. Nagrahay tolos an saiyang pagmate.

1 Samuel 14:29

Nagsimbag si Jonatan, “Ano ining ginibo kan sakong ama sa satong mga kahimanwa! Hilinga nindo kun gurano karahay an sakong pagmate huli ta nagkakan ako nin kadikit na dugos!