Salmo 13:1 - Marahay na Bareta Biblia

¹ Sagkod nuarin mo ako lilingawan, Kagurangnan? Sagkod nuarin mo tatagoon sako an saimong lalawogon?

Salmo 13:1 ပူးပေါင်းရင်းမြစ်များ

An Libro ni Job 13:24

“Tadaw ta linilikayan mo ako? Tadaw ta ibinibilang mo ako na sarong kaiwal?

Salmo 10:12

Tumindog ka, Kagurangnan; O Dios, itaas mo an saimong kamot! Hare paglingawe an mga nagtitios!

Salmo 35:17

Sagkod nuarin ka magmamasid sana, Kagurangnan? Ligtasan ako sa saindang mga pagsalakay; sa mga leon na ini, ligtasan an sakong buhay!

Salmo 44:24

Tadaw ta tinatago mo an saimong lalawogon? Tadaw ta linilingawan mo an samong kasakitan asin kaapihan?

Salmo 6:3

An kalag ko nasa makuring kahorasaan; Kagurangnan, sagkod nuarin ka maghahalat nganing ako tabangan?

Salmo 74:1

O Dios, tadaw ta isinisikwal mo kami sagkod lamang? Tano ta anggot ka sa mga karnero na saimong ataman?

Salmo 80:4

O Kagurangnan, Dios nin mga hukbo, sagkod nuarin ka maaanggot sa pamibi kan saimong banwaan?

Salmo 85:5

Maaanggot ka daw samo sagkod lamang? Papahaloyon mo daw an saimong kaanggotan sagkod sa gabos na kapagarakian?

Salmo 89:46

Sagkod nuarin, Kagurangnan? Matago ka daw sagkod pa man? Sagkod nuarin malaad siring sa kalayo an saimong kaanggotan?

Salmo 90:14

Pagkaaga panoa kami kan danay mong pagkamoot, tanganing mag-awit kami asin mag-ogma sa bilog nyamong pagkabuhay.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Mga Panambitan 5:20

Tadaw ta pinabayaan mo kami sa haloy na panahon? Magigiromdoman mo pa daw kami giraray?

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.