Salmo 128:2 - Marahay na Bareta Biblia

² Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Salmo 128:2 ပူးပေါင်းရင်းမြစ်များ

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 109:11

An gabos niyang rogaring kuahon logod kan saiyang mga inutangan. Samsamon logod kan mga dayuhan an mga bunga kan saiyang kapagalan.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Jeremias 22:15

Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

Efeso 6:3

tanganing mapakarahay kamo asin maghalawig an saindong buhay sa daga.”

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Deuteronomio 28:39

Matanom kamo asin maataman nin mga ubas, alagad dai kamo makakakua nin bunga o makakainom nin arak hale diyan, huli ta kakakanon kan mga ulod an mga balagon.

Deuteronomio 28:4

“Bebendisyonan nin Kagurangnan an saindong mga aki, mga ani asin mga hayop; papadakulon niya an saindong mga baka saka mga karnero.

Deuteronomio 28:51

Kakakanon ninda an saindong mga hayop asin an mga bunga kan saindong daga sagkod na magadan kamo sa gutom. Dai kamo ninda tatadaan nin ani, arak, lana, baka o karnero; magagadan kamo gabos.

Deuteronomio 28:8

“Bebendisyonan nin Kagurangnan na saindong Dios an saindong mga trabaho dangan papanoon niya nin inani an saindong mga harong-harong; bebendisyonan niya kamo sa daga na itatao niya saindo.