Salmo 127:2 - Marahay na Bareta Biblia

² Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 127:2 ပူးပေါင်းရင်းမြစ်များ

An Libro ni Job 11:18

Mabubuhay kang matiwasay asin pano nin paglaom; iingatan ka nin Dios asin tatawan nin kapahingaloan.

Salmo 3:5

Minahigda ako asin minatorog; giraray minabangon huli sa pangataman nin Kagurangnan.

Salmo 4:8

Sa katoninongan ako mahigda dangan matorog; huli ta ika sana, O Kagurangnan, an minapaerok sako sa katiwasayan.

Salmo 60:5

Huli kan saimong kosog, kami saimong ligtasan; simbaga an samong pamibi, tanganing makaligtas an banwaan na saimong namomotan.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 5:12

An sarong trabahador marahay an torog, dikit man o dakul an saiyang kakanon; alagad an dakul na pagsadiri kan mayaman iyo an minapurisaw sa saiyang pagkatorog.

Parahulit 6:7

Ginigibo nin tawo an gabos niyang trabaho tanganing magkaigwa siya nin kakanon, alagad nakukulangan man giraray an tulak niya.

Jeremias 31:26

Kaya masabi an siisay man, ‘Nagkatorog ako dangan maginhawang nagbangon.’

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.