Salmo 127:1 - Marahay na Bareta Biblia

¹ Kun bakong an Kagurangnan an magpatindog kan harong, masasayang sana an trabaho kan mga nagpapatindog kaiyan. Kun bakong an Kagurangnan an magbantay sa syudad, masasayang sana an pagpupuka kan bantay.

Salmo 127:1 ပူးပေါင်းရင်းမြစ်များ

1 Mga Hade 5:12

Inotob nin Kagurangnan an saiyang panuga asin tinawan niya nin kadonongan si Solomon. Matoninong an pag-ibahan ni Hiram saka ni Solomon, asin naggibo sindang duwa nin tipan.

1 Mga Cronica 28:10

Saboton mo nanggad na pinili ka nin Kagurangnan tanganing magtugdok kan saiyang banal na Templo; pagmakosog asin gibohon mo iyan.”

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Salmo 120:1

Kan ako nasa kahorasaan, nag-apod ako sa Kagurangnan tanganing simbagon niya ako:

Salmo 121:1

Itinitingkalag ko sa mga bulod an mga mata ko; saen daw magikan an tabang para sako?

Salmo 122:1

Ako naogma kan ako saindang sabihan, “Dumuman kita sa harong nin Kagurangnan.”

Salmo 123:1

Kagurangnan, sa saimo itinitingkalag ko an sakong mga mata; sa saimo, na nag-eerok sa kalangitan.

Salmo 124:1

Ano daw kun bako tang kakampi an Kagurangnan? Simbag, O Israel!

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 126:1

Kan ibalik nin Kagurangnan an kayamanan nin Sion, nakabaing kita sa mga nangatorogan!

Salmo 72:1

O Dios, itao mo sa hade an saimong hustisya; itao mo saiya an saimong katanosan!

Salmo 78:69

Duman niya itinugdok an saiyang Templo arog kan harong niya sa langit; pinakosog niya iyan arog kan daga, na saiyang pinamugtak sagkod lamang.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Awit nin mga Awit 3:3

Nahiling ako kan mga bantay na naglilibot sa syudad. Hinapot ko sinda, “Nanumpongan na nindo an sakong namomotan?”

Awit nin mga Awit 5:7

Nanumpongan ako kan naglilibot na mga bantay kan syudad; hinampak ninda ako asin linugadan; an sakong alikboy inagaw kan mga bantay kan kudal kan syudad.

Isaias 27:3

“Binabantayan saka binabaribi ko iyan. Aldaw-banggi na ginigibo ko iyan tanganing mayong maraot na mangyari diyan.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Jeremias 51:31

Sunod-sunod na mga sugo an nagdadalagan pasiring sa hade nin Babilonia tanganing sabihan siya na nalaog na an saiyang syudad.

1 Corinto 15:14

Kun si Cristo dai binuhay liwat, sayang an samong paghulit asin sayang an saindong pagtubod.

1 Corinto 3:7

Kaya bakong an nagtatanom o an nagbabaribi an mahalaga, kundi an Dios na nagpapatalubo kan tinanom.

Galacia 4:11

Natatakot ako na tibaad sayang lamang an sakong trabaho para saindo.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

Josue 2:2

Naaraman kan hade nin Jerico na may nagkapirang Israelita na nag-abot sa syudad kan bangging idto tanganing magsiyasat kan daga.