Salmo 123:4 - Marahay na Bareta Biblia

⁴ Haloy na kaming pinag-oolog-olog kan mga mayaman, asin ikinakaanggot kan mga mapaabaw-abaw.

Salmo 123:4 ပူးပေါင်းရင်းမြစ်များ

Nehemias 2:19

Kan madangog ini ni Sanballat kan Bet-horon, ni Tobias na opisyal kan Ammon asin ni Gesem na Arab, nginisihan ninda kami. Nagtutuyatuya sindang nagsabi, “Ano sa paghona nindo an saindong ginigibo? Marebelde kamo laban sa emperador?”

An Libro ni Job 12:5

Huli ta dai kamo nasasakitan, ako saindong pinag-olog-olog; hinahampak pa nindo an tawong madali nang matumba.

An Libro ni Job 16:4

Makakataram man ako siring saindo, kun ako an nasa lugar nindo; pwede kong pagsugponon an mga tataramon laban saindo, asin magtango-tango kan sakong payo.

Salmo 119:51

Danay akong pinag-oolog-olog kan mga mapaabaw-abaw, alagad dai ako minatalikod sa saimong katogonan.

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 32:9

Kamong mga babaeng namumuhay na matiwasay asin mayo nin mga kahaditan, dangoga nindo an sinasabi ko.

Jeremias 48:11

Nagtaram an Kagurangnan, “Danay na namuhay sa katiwasayan an Moab asin dai pa lamang nabihag. Garo siya arak na dai hinihiro; dai siya pinagpapalis-palis sa mga lalagan. Kaya dai nag-iiba an saiyang namit, asin dai nagbabago an saiyang parong.

Jeremias 48:27

Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Jeremias 48:29

Mapaabaw-abaw nanggad an Moab! Nabaretaan ko an kapaabaw-abawan, kapalangkawan, kahambogan kan mga tawo, asin an pagigin makasadiri ninda.

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Mga Gibo 17:21

An gabos na namamanwaan sa Atenas saka an mga dayuhan na nag-eerok duman mayong ibang gibo kundi an mag-orolay-olay saka magdangog nin anoman na bagay na bago.)

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

Mga Gibo 26:24

Mantang nagpapahayag si Pablo kan saiyang depensa kinurahawan siya ni Festo, “Bua ka, Pablo! An sobrang adal mo iyo an nakakapabua saimo!”

1 Corinto 4:13

kun kami linilibak, sinisimbag mi nin pakipagkatood. Garo na kami basura sa kinaban na ini—mga mayong pakinabang sa kinaban sagkod sa oras na ini!

1 Samuel 17:42

Kan mahiling ni Goliat si David, tinuya-tuya niya si David huli ta hoben pa siya, mabaskog asin gwapo.