Salmo 123:2 - Marahay na Bareta Biblia

² Siring na an sorogoon naghihiling sa saiyang kagurangnan, siring na an babaeng sorogoon naghihiling sa saiyang babaeng kagurangnan, kami man naghihiling saimo, Kagurangnan nyamong Dios, sagkod na maherak ka sa samo.

Salmo 123:2 ပူးပေါင်းရင်းမြစ်များ

Genesis 32:26

Dangan nagsabi an lalaki, “Butasi ako, huli ta nagliliwanag na.” Nagsimbag si Jacob, “Dai taka bubutasan sagkod na dai mo ako bendisyonan.”

Genesis 49:18

“O Kagurangnan, halat ko an saimong kaligtasan.

1 Mga Hade 1:20

Mahal na hade, an bilog na banwaan nin Israel naghahalat na sabihan mo kun siisay an masalihid saimo bilang hade.

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

Salmo 119:82

Nanlalabog na an sakong mga mata sa kahahalat para sa saimong ipinanuga, mantang naghahapot ako, “Nuarin mo ako rarangahon?”

Salmo 25:15

Danay na hinihiling ko an Kagurangnan, huli ta ililikay niya ako sa pag-alaman.

Lukas 18:1

Dangan nag-osipon sainda si Jesus nin sarong parabola, tanganing tukdoan sinda na danay na mamibi asin dai mahalean nin paglaom.

Josue 10:6

An mga taga Gibeon nagpadara nin mensahe ki Josue duman sa kampo sa Gilgal: “Dai mo kami pagpabayaan! Magdigdi ka tolos asin tabangan mo kami! Iligtas mo kami huli ta nagkasararo an mga hadeng Amoreo na nag-eerok sa kabubuldan asin sinalakay kami!”

Josue 9:23

Huli ta ginibo nindo ini, kinondenar kamo nin Dios. Danay kamong magigin oripon, mga paraputol nin kahoy asin parasakdo nin tubig para sa santwaryo nin sakong Dios.”

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.