Salmo 12:1 - Marahay na Bareta Biblia

¹ Tabangi kami, Kagurangnan; huli ta mayo nang natatadang banal! An mga maimbod napara na sa mga aki nin tawo.

Salmo 12:1 ပူးပေါင်းရင်းမြစ်များ

Genesis 6:12

Nahiling nin Dios na an daga pano nin karatan huli sa maraot na pamumuhay kan mga tawo.

Salmo 3:7

Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

Salmo 54:1

Ligtasan ako, O Dios, huli kan saimong ngaran; tawe ako nin katanosan huli kan saimong kosog!

Salmo 6:1

Kagurangnan, hare ako pagsagwea sa saimong kaanggotan; sa labi-labi mong kaanggotan, dai mo ako pagpadusahan.

Salmo 6:4

Madya, Kagurangnan, ligtasan an sakong buhay, huli kan pagkamoot mo na daing kataposan.

Mga Talinhaga 20:6

Dakul na tawo an nagpapahayag kan saindang kaimbodan, alagad may makukua pa daw na maimbod na tawo?

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 57:1

Nagagadan an mga matanos na tawo, asin mayong nakakasabot o nagmamakulog. Alagad pagkagadan ninda mayo na nin kasakitan na makakadotdot sainda.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Isaias 63:5

Nagngalas ako kan sakong mahiling na mayo nin matabang sako, alagad pinakosog ako kan sakong kaanggotan, asin nanggana ako.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Mateo 14:30

Alagad kan mamangnohan niya an makosog na doros, natakot siya kaya nagpoon siyang mag-irarom sa tubig. Nagkurahaw siya, “Kagurangnan, ligtasan ako!”

Mateo 24:12

Magdadakul an karatan, kaya mawawara an pagkaminorootan.

Mateo 8:25

Kaya pinukaw siya kan mga disipulo dangan sinabihan, “Kagurangnan, ligtasan kami! Malulunod na kita!”