Salmo 118:5 - Marahay na Bareta Biblia

⁵ Sa sakong kahorasaan nag-apod ako sa Kagurangnan; sinimbag niya ako asin pinatalingkas.

Salmo 118:5 ပူးပေါင်းရင်းမြစ်များ

Salmo 18:19

Tinabangan niya akong makahale sa pag-alaman; ilinigtas niya ako huli ta ako saiyang nawilihan.

Salmo 18:6

Sa sakong kasakitan nag-apod ako sa Kagurangnan; nag-apod ako sa sakong Dios tanganing tabangan. Nadangog niya an sakong tingog sa saiyang templo; nakaabot sa saiyang pandangog an sakong inagrangay.

Salmo 120:1

Kan ako nasa kahorasaan, nag-apod ako sa Kagurangnan tanganing simbagon niya ako:

Salmo 107:19

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Salmo 107:13

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Genesis 32:7

Natakot asin nahandal si Jacob, kaya binanga niya sa duwang grupo an mga tawo asin mga hayop na kaiba niya.

Salmo 18:20

Binalosan ako nin Kagurangnan sosog sa sakuyang katanosan; benendisyonan niya ako huli ta mayo ako nin kasalan.