Salmo 115:9 - Marahay na Bareta Biblia

⁹ Banwaan nin Israel, magsarig ka sa Kagurangnan! Siya an saimong tabang asin kalasag.

Salmo 115:9 ပူးပေါင်းရင်းမြစ်များ

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Mga Talinhaga 30:5

“Inootob nin Dios an lambang panuga na saiyang ginibo. Siya an kalasag kan gabos na nagpapaili saiya.

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.