Salmo 115:4 - Marahay na Bareta Biblia

⁴ An mga dios-dios ninda plata asin bulawan; gibo kan mga kamot nin katawohan.

Salmo 115:4 ပူးပေါင်းရင်းမြစ်များ

1 Mga Hade 18:26

Kinua ninda an saro kan mga torong baka na dinara sainda, inandam idto, dangan namibi ki Baal magpoon aga sagkod odto. “Baal, simbaga kami,” an kurahaw ninda, mantang nagsasayaw sa palibot kan altar na ginibo ninda. Alagad mayo nin simbag na nag-abot.

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

2 Mga Hade 19:18

Sinulo ninda an mga dios kan mga nasyon na iyan huli ta bako man idto mga dios, kundi mga ladawan na gibo sa kahoy saka gapo na pinorma kan mga kamot nin tawo.

2 Mga Cronica 32:19

Nagtaram sinda manongod sa Dios nin Jerusalem siring kan pagtaram ninda manongod sa mga dios-dios kan mga banwaan nin daga, mga dios-dios na gibo kan mga kamot nin tawo.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Isaias 44:10

Bakong marahay an paggibo nin metal na ladawan nganing sambahon bilang dios!

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Isaias 44:9

Mayo nin halaga an gabos na naggigibo nin ladawan, asin mayong pakinabang an mga dios-dios na saindang pinapahalagahan. An mga nagsasamba sa mga dios-dios na ini mga buta saka mayong naaaraman—asin mapapasopog sinda.

Daniel 3:5

Madadangog nindo an tanog nin mga trompeta, mga plawta, lira, gimbal, asin arpa, patin nin iba pang mga instrumento. Sa pagpoon kan tugtog, kaipuhan magduruko kamo sa pagsamba kan estatwang bulawan na ipinagibo ni Hadeng Nebukadnezzar.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Mga Gibo 19:26

Nahihiling saka nadadangog nindo kun ano an ginigibo kan Pablong ini. Sinasabi niya na an mga dios na gibo nin tawo bako daang dios. Dakul na an mga tawong napatubod niya, bako sana digdi sa Efeso kundi haros sa bilog na Asia.

Mga Gibo 19:35

Kan napatoninong na kan sekretaryo kan syudad an mga tawo, nagsabi siya, “Mga taga Efeso, aram kan gabos na an syudad na ini kan Efeso iyo an namamahala kan templo kan bantog na diosang si Diana asin kan saiyang banal na gapo na nahulog hale sa langit.

Deuteronomio 4:28

Sa mga nasyon na iyan, malingkod kamo sa mga dios-dios na kahoy saka gapo, mga gibo nin tawo, mga dios-dios na dai nakakahiling, dai nakakadangog, dai nakakakakan o nakakaparong.