Salmo 115:3 - Marahay na Bareta Biblia

³ An samong Dios yaon sa kalangitan, ginigibo niya an anoman na saiyang magustohan.

Salmo 115:3 ပူးပေါင်းရင်းမြစ်များ

1 Mga Cronica 16:25

Huli ta dakula an Kagurangnan, asin maninigo nanggad na omawon; dapat siyang katakotan orog sa gabos na dios.

An Libro ni Job 23:13

“Alagad dai siya nagbabago. Siisay an makakatumang saiya? An saiyang mawoton, iyan ginigibo niya.

Salmo 103:19

An saiyang trono ibinugtak nin Kagurangnan sa kalangitan; an gabos sakop kan saiyang kahadean.

Salmo 123:1

Kagurangnan, sa saimo itinitingkalag ko an sakong mga mata; sa saimo, na nag-eerok sa kalangitan.

Salmo 135:6

Ginigibo niya an anoman na saiyang nawiwilihan, sa langit asin sa daga, sa kadagatan asin sa gabos na kairaroman.

Salmo 2:4

Nagngingisi an nagtutukaw sa kalangitan; pinagtutuya-tuya sinda nin Kagurangnan.

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Roma 9:19

Alagad masabi ka sako, “Kun totoo ini, tadaw ta an tawo an sinasala nin Dios? Huli ta siisay an makakasalungat sa kabotan nin Dios?”

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.