Salmo 113:9 - Marahay na Bareta Biblia

⁹ Tinatawan niya nin harong an babaeng baog; ginigibong maogmang ina nin mga aki. Omawon an Kagurangnan!

Salmo 113:9 ပူးပေါင်းရင်းမြစ်များ

Genesis 25:21

Huli ta dai nag-aaki si Rebecca, namibi si Isaac sa Kagurangnan. Sinimbag nin Kagurangnan an pamibi ni Isaac asin nagbados si Rebecca.

2 Mga Hade 4:17

Alagad nangidam an babae, asin nag-aki nin lalaki pakalihis nin sarong taon magpoon kan sabihon ini saiya ni Eliseo.

Salmo 68:6

An mga mamondo tinatawan niya nin harong na eerokan; an mga bilanggo pinapangenotan niya paluwas pasiring sa kauswagan; alagad mag-eerok sa alang na daga an mga masombikal.

Isaias 54:1

Jerusalem, kaidto siring ka sa babaeng mayo nin aki, alagad pwede ka nang mag-awit ngunyan asin magkurahaw sa kaogmahan. Huli ta magkakaigwa ka na nin dakul na kaakian ki sa babaeng igwa nin agom!

Mga Bilang 5:28

Alagad kun dai siya nin kasalan, dai siya maaano kan maldisyon asin mangangaki pa nin dakul.

Galacia 4:27

Huli ta nasusurat: “Mag-ogma ka, babaeng dai nagkaaki! Magkurahaw ka saka mag-awit sa kaogmahan, ika na dai nanggad nakamate kan kulog nin pangaki! Huli ta an babaeng binayaan magkakaigwa nin mas dakul na mga aki ki kan babaeng dai binayaan kan agom.”

1 Samuel 2:5

An mga tawong dating barasog nagpapatandan ngunyan, tanganing makakua sana nin pagkakan, alagad an mga dating nagugutom, basog na ngunyan. An babaeng baog nangaki nin pito, alagad an ina nin dakul dai natadaan maski saro.