Salmo 113:7 - Marahay na Bareta Biblia

⁷ Hale sa alpog binabangon niya an dukha; hale sa basurahan binabangon niya an mga daing sukat,

Salmo 113:7 ပူးပေါင်းရင်းမြစ်များ

1 Mga Hade 16:2

“Ilinangkaw taka hale sa alpog asin ginibong lider kan banwaan kong Israel. Alagad nagkasala ka arog ki Jeroboam. Pinapagkasala mo man an sakong banwaan asin pinaanggot mo ako huli kan saindang mga kasalan.

An Libro ni Job 2:8

Dangan nagkua si Job nin sarong pedaso kan pasang koron tanganing kagawon an saiyang mga lugad asin nagtukaw siya sa tambak nin abo.

An Libro ni Job 5:11

ilinalangkaw niya an mga mapakumbaba, asin an mga nagmomondo tinatawan niya nin kaogmahan.

Salmo 107:41

Alagad ilinigtas niya an mga dukha sa saindang kasakitan, asin pinadakul niya an saindang pamilya siring sa aripunpon nin mga karnero.

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Isaias 26:19

Mabubuhay giraray an samong mga gadan! Mabangon an saindang mga hawak. Mamata asin maawit sa kaogmahan an mga nagkakatorog sa saindang lulubngan. Siring na pinapaogma kan ambon an mamarang daga, bubuhayon man nin Kagurangnan an haloy nang nagkagaradan.

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

1 Samuel 24:14

Siisay an pinaghahanap kan hade nin Israel tanganing gadanon? Hilinga kun ano an saiyang pinaglalamag! Sarong gadan na ayam, sarong purgas!