Salmo 112:4 - Marahay na Bareta Biblia

⁴ An ilaw minaliwanag sa kadikloman para sa mga marahay na tawo, para sa mga maheherakon, maboot asin matanos.

Salmo 112:4 ပူးပေါင်းရင်းမြစ်များ

An Libro ni Job 11:17

An saimong buhay orog pang magigin maliwanag ki sa kaodtohan; an kadikloman kaiyan magigin arog sa kaagahon.

An Libro ni Job 22:28

Sa gabos mong gibo, magkakaigwa ka nin kauswagan, asin magliliwanag an ilaw sa saimong dalan.

An Libro ni Job 29:3

kan an saiyang ilaw iyo an nagliliwanag kan ako naglakaw sa kadikloman;

Salmo 106:1

Omawon an Kagurangnan! Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran!

Salmo 116:5

An Kagurangnan maugayon asin matanos; maheherakon an satong Dios.

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 37:6

Papaliwanagon niya an saimong katanosan arog kan liwanag sa kaodtohan nin aldaw.

Salmo 97:11

Ilaw minaliwanag sa mga matanos asin kaogmahan sa mga malinig an puso.

Mga Talinhaga 21:21

An namumuhay na matanos saka maboot mahalawig an buhay asin oomawon.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Isaias 58:10

kun tawan nindo nin pagkakan an mga nagugutom saka tawan kan saindang kaipuhan an mga mayong sukat, dangan an nakapalibot saindong kadikloman magigin siring sa liwanag nin kaodtohan.

Isaias 58:8

“Dangan maliwanag sa saindo siring sa liwanag kan aldaw pagkaaga an sakong pagkawili, asin madaling mararahay an saindong mga lugad. Danay ko kamong iibahan tanganing iligtas kamo; an sakong presensya an mag-iingat saindo sa gabos na pag-alaman.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Lukas 6:36

Magin maheherakon kamo arog kan saindong Ama.

Juan 12:46

Nagdigdi ako bilang ilaw sa kinaban, tanganing an mga minatubod sako dai magdanay sa kadikloman.

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Efeso 5:15

Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

Efeso 5:9

huli ta an bunga nin liwanag makukua sa lambang karahayan, katanosan, saka katotoohan.

1 Juan 2:29

Aram nindo na matanos si Cristo; kaya dapat nindong maaraman na an siisay man na naggigibo nin matanos aki nin Dios.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 3:7

Mga aki ko, dai kamo magpadaya sa kiisay man! An siisay man na naggigibo nin tama, matanos arog ni Cristo.