Salmo 112:3 - Marahay na Bareta Biblia

³ An saiyang pamilya magigin mayaman, asin siya magigin mauswag sagkod lamang.

Salmo 112:3 ပူးပေါင်းရင်းမြစ်များ

An Libro ni Job 5:24

Maaraman mo na ligtas an saimong tolda; sisiyasaton mo an saimong mga karnero asin mayong mawawara.

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 111:3

An saiyang gibo, pano nin onra asin kamahalan, asin an saiyang katanosan magdadanay sagkod pa man.

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Salmo 34:10

Maski an mga leon nagugutom sa kakulangan nin pagkakan, alagad an nagkukuyog sa Kagurangnan dai pagkukulangon nin mga marahay na bagay.

Salmo 34:11

Madya kamo, mga aki, dangoga ako, asin tutukdoan ko kamo kan pagkatakot sa Kagurangnan.

Mga Talinhaga 15:6

Sinasaray kan matanos an saindang kayamanan, alagad an kayamanan kan tampalasan nauubos sa panahon nin kasakitan.

Mga Talinhaga 21:20

Nagdadanay an mahalagang kayamanan sa laog kan harong kan madonong, alagad madali sanang mawara an kwarta kan lolong.

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Isaias 32:17

asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 51:8

mawawara sinda siring sa gubing na kinakan nin mga anay! Alagad an sakong kaligtasan magdadanay sagkod lamang; an sakong pagligtas para sa gabos na henerasyon.”

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

2 Corinto 6:10

mga mamondo, alagad danay na maogma; mga dukha, alagad dakul an pinapayaman; mga mayo nin anoman, alagad igwa nin gabos na bagay.