Dinarahan sinda nin pagkakan hale sa lamesa ni Jose asin si Benjamin dinarahan nin pagkakan na limang beses kadakul ki sa ibang tugang niya. Nagkakan sinda asin nag-inom sa kaibahan ni Jose sagkod na naburat sinda.
Kapot nin Kagurangnan an sarong kalis, pano nin maisog na arak nin saiyang kaanggotan. Iuula niya iyan, asin iinomon kan gabos na tampalasan; iinomon sagkod na maubos.
Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.
sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.
Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.
Papadusahan ko siya sa paagi nin peste asin garadanan. Mahugpa sa saiya, sa saiyang hukbo asin sa mga nasyon na nag-apil saiya an uran asin an yelo, kaiba an kalayo saka asupre.
Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.