Salmo 11:5 - Marahay na Bareta Biblia

⁵ Binabalo nin Kagurangnan an matanos asin an maraot; anggot siya sa mga namomoot sa dahas.

Salmo 11:5 ပူးပေါင်းရင်းမြစ်များ

Genesis 22:1

Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 139:1

Kagurangnan, ako siniyasat mo asin namidbid mo.

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 21:8

Dadakopon kan hade an gabos niyang kaiwal; dadakopon niya an mga naoongis saiya.

Salmo 26:2

Siyasaton mo ako, Kagurangnan, asin baloa; an sakuyang puso saka isip hilinga.

Salmo 5:6

An mga putikon saimong ginagadan; an mga tawong paha sa dugo asin madaya saimong isinisikwal.

Salmo 7:9

O Dios na matanos, ika na naghuhukom kan samong kaisipan asin kamawotan. Paontoka an karatan kan mga tampalasan; alagad bendisyonan mo an mga banal.

Jeremias 12:8

Nagtumang sako an nasyon na pinili ko; arog sa sarong leon sa kadlagan nginaroban ninda ako, kaya naoongis ako sainda.

Jeremias 20:12

Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Malakias 3:3

Maabot siya sa paghukom siring sa sarong naglilinig asin nagpapagayon nin plata. Siring na linilinigan nin sarong alahero an plata saka bulawan, lilinigan man kan sugo nin Kagurangnan an mga padi, tanganing magdara sinda sa saiya kan tamang mga dolot.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

1 Pedro 4:12

Mga namomotan na tugang, dai nindo ipagngalas an mga makulog na pagbalo na tinitios nindo na garo baga sarong pambihirang pangyayari sa buhay nindo.