Salmo 11:4 - Marahay na Bareta Biblia

⁴ An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 11:4 ပူးပေါင်းရင်းမြစ်များ

1 Mga Cronica 17:5

Magpoon kan iluwas ko sa Egipto an Israel sagkod ngunyan, dai lamang ako nag-erok sa sarong harong; danay na nag-erok ako sa mga tolda, hale sa sarong lugar pasiring sa iba.

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

An Libro ni Job 24:23

Pwedeng tugotan nin Dios na mabuhay sindang matiwasay, alagad an saiyang mga mata nasa pagmasid kan saindang mga dalan.

Salmo 103:19

An saiyang trono ibinugtak nin Kagurangnan sa kalangitan; an gabos sakop kan saiyang kahadean.

Salmo 113:5

Siisay an makakaarog sa Kagurangnan na satuyang Dios, na nag-eerok sa kaitaasan,

Salmo 139:23

Siyasata ako, O Dios, asin midbida an sakong puso; baloa ako asin midbida an mga kaisipan ko.

Salmo 14:2

Hale sa langit minadungaw an Kagurangnan sa mga aki nin katawohan, sa paghiling kun may naggigibo nin katanosan, kun igwa pang naghahanap sa Dios.

Salmo 18:6

Sa sakong kasakitan nag-apod ako sa Kagurangnan; nag-apod ako sa sakong Dios tanganing tabangan. Nadangog niya an sakong tingog sa saiyang templo; nakaabot sa saiyang pandangog an sakong inagrangay.

Salmo 2:4

Nagngingisi an nagtutukaw sa kalangitan; pinagtutuya-tuya sinda nin Kagurangnan.

Salmo 33:13

Hale sa langit minadungaw an Kagurangnan, asin hinihiling an gabos na katawohan.

Salmo 44:21

dai mo daw iyan maisihan, huli ta aram mo an mga hilom nin puso?

Salmo 66:7

Naghahade siya huli kan saiyang kosog sagkod lamang asin an gabos na nasyon saiyang binabantayan— dai magpaabaw-abaw an mga masombikal.

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Mga Talinhaga 15:3

An Kagurangnan naghihiling maski saen; minamasdan niya an maraot saka an marahay.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Habakkuk 2:20

An Kagurangnan nasa banal niyang Templo; mag-alo an gabos sa atubangan niya.

Zacarias 2:13

Pag-alo kamo gabos sa atubang nin Kagurangnan, huli ta madigdi siya hale sa saiyang banal na erokan.

Mateo 23:21

An minasumpa sa ngaran kan Templo, minasumpa bako sana sa ngaran kan Templo kundi sa ngaran man kan Dios na nag-eerok diyan.

Mateo 5:34

Alagad ngunyan sinasabihan ko kamo na dai kamo magsumpa kun nanunuga kamo. Dai kamo magsabing, ‘Saksi ko an langit,’ ta iyan an trono nin Dios;

Mga Gibo 7:49

‘An langit iyo an sakong trono, an daga iyo an sakong tungtongan. Anong harong an itutugdok nindo para sako? Ano an lugar na pagpapahingaloan ko?

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Kapahayagan 4:2

Tolos na napano ako kan Espiritu. Nahiling ko duman sa langit an sarong trono; duman may nakatukaw.