Salmo 103:7 - Marahay na Bareta Biblia

⁷ An saiyang mga plano ipinahayag niya ki Moises; an saiyang mga gibo sa banwaan nin Israel.

Salmo 103:7 ပူးပေါင်းရင်းမြစ်များ

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Salmo 106:22

mga ngangalasan na ginibo niya duman, mga mangirhat na bagay sa Dagat na Pula.

Salmo 111:6

Ipinapahiling niya an saiyang kapangyarihan sa saiyang banwaan, huli sa pagtao sainda kan daga kan mga dayuhan.

Salmo 147:19

An saiyang tataramon ipinapahayag niya ki Jacob, ki Israel an saiyang mga togon asin pagboot.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Salmo 78:11

Nalingawan ninda an saiyang mga ginibo, an mga milagro na ipinahiling niya sainda.

Salmo 78:5

Tinawan niya nin mga togon an banwaan nin Israel; nin mga pagboot an kapagarakian ni Jacob. Pinagbotan niya an satong mga ginikanan na itukdo an saiyang mga togon sa saindang kaakian,

Salmo 99:7

Nagtaram siya sainda hale sa hariging panganoron; kinuyog ninda an mga togon saka pagboot na itinao niya sainda.

Exodo 19:20

Huminilig an Kagurangnan sa alitoktok kan bukid asin inapod niya si Moises, kaya nagtukad ini.

Exodo 19:8

Sarabay na nagsimbag an mga tawo, “Gigibohon mi an gabos na itinaram nin Kagurangnan,” asin ibinareta ni Moises sa Kagurangnan an simbag kan mga tawo.

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Exodo 33:13

Kaya ngunyan, kun totoong nawiwilihan mo ako, pahilingan sako an saimong mga plano, tanganing mamidbid taka asin padagos na mawilihan mo ako. Giromdoma man na pinili mo an banwaan na ini para saimo.”

Mga Bilang 12:7

Alagad bakong siring an ginigibo ko ki Moises na sakong sorogoon; siya an pinaniwalaan ko kan sakong banwaan.

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.