Salmo 103:12 - Marahay na Bareta Biblia

¹² Kun gurano an rayo kan sirangan sa solnopan, siring man an pagrayoan niya sa sato kan satong mga kasalan.

Salmo 103:12 ပူးပေါင်းရင်းမြစ်များ

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

Salmo 113:3

Poon sa sirangan sagkod sa solnopan pag-omawon an ngaran nin Kagurangnan!

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 45:6

Ginigibo ko ini tanganing an gabos magpoon sa sarong poro kan kinaban sagkod sa ibong na poro makaaram na ako an Kagurangnan asin pwera sako mayo na nin ibang dios.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Ezekiel 18:22

Papatawadon an gabos niyang kasalan asin mabubuhay siya, huli ta naggibo siya kan matanos.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Mikas 7:19

Maheherakan mo giraray kami. Titimaktimakan mo an samong mga kasalan dangan itatapok mo iyan sa kairaroman kan dagat!

Hebreyo 10:2

Kun an mga tawong nagsasamba sa Dios talagang nalinigan na kan saindang mga kasalan, dai na kutana ninda namamatean an gabat kan kasalan, saka dai na kutana kaipuhan magdolot pa nin atang.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.