Salmo 103:1 - Marahay na Bareta Biblia

¹ Kalag ko, mag-omaw ka sa Kagurangnan! Bilog kong pagkatawo, omawon an saiyang banal na ngaran!

Salmo 103:1 ပူးပေါင်းရင်းမြစ်များ

Salmo 103:22

Gabos na linalang, mag-omaw kamo sa Kagurangnan, sa gabos na lugar na saiyang pinaghahadean. Kalag ko, mag-omaw ka sa Kagurangnan!

Salmo 104:1

Kalag ko, mag-omaw ka sa Kagurangnan! O Kagurangnan na sakong Dios, ika tunay na dakula! Nagugubingan ka nin kamurawayan asin kamahalan;

Salmo 111:1

Omawon an Kagurangnan! Bilog na puso kong papasalamatan an Kagurangnan sa katiriponan nin mga matanos.

Salmo 138:1

Pinapasalamatan taka, Kagurangnan, sa bilog kong puso; sa atubang kan mga dios inaawit ko an saimong kaomawan.

Salmo 145:1

Oomawon taka, sakuyang Dios asin hade; magpapasalamat ako saimo sagkod pa man.

Salmo 47:7

An Dios hade kan bilog na kinaban; omawon siya sa paagi nin mga salmo!

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.

Salmo 99:3

An lambang saro mag-oomaw kan saiyang dakula asin ginagalangan na ngaran. Siya banal!

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Juan 4:24

An Dios Espiritu, kaya an mga nagsasamba saiya dapat na magsamba sa espiritu asin sa katotoohan.”

1 Corinto 14:15

Kun siring, ano an dapat kong gibohon? Mamimibi ako sa espiritu, asin mamimibi man ako sa isip; mag-aawit ako sa espiritu, asin mag-aawit man ako sa isip.

Filipos 1:9

Ipinapamibi ko na orog pang magtalubo an saindong pagkamoot, sagkod an saindong pakanood saka pakasabot,

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”