Salmo 101:6 - Marahay na Bareta Biblia

⁶ Nawiwilihan ko an mga maimbod sa Dios; tutugotan ko sindang mag-erok sa sakuyang harong. An naglalakaw sa dalan nin kabanalan tutugotan kong maglingkod sako.

Salmo 101:6 ပူးပေါင်းရင်းမြစ်များ

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 15:4

Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 34:15

Binabantayan nin Kagurangnan an mga matanos asin dinadangog niya an saindang inagrangay;

Mga Talinhaga 28:28

Minatago an mga tawo kun an kapangyarihan nasa kamot kan mga maraot, alagad pagbagsak ninda, maghahade giraray an mga matanos na tawo.

Mga Talinhaga 29:2

Kun an matanos iyo an nagkakapot kan kapangyarihan, nag-oogma an banwaan; alagad kun an maraot iyo an namamayo, nag-aagrangay an katawohan.

Levitico 14:42

Dangan riribayan ninda nin ibang gapo an mga gapong hinarale, asin papalitadahon giraray ninda an mga lanob na kinarosan.

Mateo 24:45

“Kaya siisay an maimbod asin madonong na sorogoon? Siya idtong ibinugtak nin saiyang kagurangnan na mamahala kan ibang sorogoon asin magrasyon sainda nin kakanon sa oras nin pagkakan.

Juan 12:26

An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.