Salmo 101:3 - Marahay na Bareta Biblia

³ asin dai ko tutugotan an anoman na maraot. Naoongis ako sa gibo kan mga nagtalikod sa Dios; dai iyan makakaharani sako.

Salmo 101:3 ပူးပေါင်းရင်းမြစ်များ

An Libro ni Job 31:1

“Nanuga ako na dai nanggad ako mahiling na may karigsokan sa sarong daraga.

Salmo 119:113

Naoongis ako sa mga tawong bakong maimbod saimo, alagad an saimong katogonan namomotan ko.

Salmo 119:37

Iharayo mo ako sa paghiling sa mga mayo nin halaga; magin marahayon ka sako, siring sa saimong panuga.

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 139:22

Naglalaad nanggad an kaanggotan ko sainda; ibinibilang ko sinda na mga kaiwal.

Salmo 14:3

Gabos sinda nagsuhay sa dalan na matanos; gabos nagin maraot. Mayong natadang naggigibo nin tama, mayo, maski saro.

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Salmo 39:1

Ako nagsabi, “Mamaanan ko an sakong mga gawe, tanganing dai magkasala an sakuyang dila. Pupugolon ko an sakuyang ngoso, mantang an mga maraot nasa atubang ko.”

Salmo 40:4

Paladan an tawo na nagsasarig sa Kagurangnan, na dai minaapil sa mapaabaw-abaw, sa mga nagsasamba sa mga dios-dios.

Salmo 41:9

Maski an katood na sakong pinaniwalaan, an nagkakan sa kaibahan ko, ngunyan nagtumang sa sako.

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Salmo 78:57

kundi nagtumang sinda asin dai nagin maimbod siring kan saindang mga magurang; dai sinda masasarigan siring sa tikong pana.

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Mga Talinhaga 6:12

An sarong mayong halaga asin maraot na tawo minalibot sa pagpalakop nin mga kaputikan.

Mga Talinhaga 6:13

Minakimlat siya kan mata saka minapasabot sa paagi kan mga bitis saka mga muro niya tanganing madaya ka.

Mga Talinhaga 6:25

Dai ka magpadagka sa saiyang gayon, ni magpasiod sa saiyang mapandagkang mga mata.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Isaias 30:11

Humale kamo sa samong agihan asin dai nindo pag-olangon an samong dalan. Habo ming madangog an dapit sa saindong banal na Dios nin Israel.”

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Mateo 5:28

Alagad ngunyan sinasabihan ko kamo: an maghiling sa sarong babae na may pagmawot na dorogan siya, nagkakasala na nin panambay.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Hebreyo 10:39

Alagad bako kita kabilang sa mga tawong minasibog dangan nawawara, kundi kabilang sa mga tawong nagtutubod asin huli kaiyan makakaligtas.

Josue 23:6

Kaya kuyogon nanggad nindo asin gibohon an gabos na nasusurat sa libro nin Katogonan ni Moises. Dai nindo paglingawan an arin man kaiyan,

2 Pedro 2:21

Mas marahay pa logod kun dai siya nakaaram kan dalan nin katanosan ki kan pakatapos na maaraman niya iyan, magtalikod siya sa banal na togon na itinao saiya.

1 Juan 2:19

An mga tawong ini hale sato, alagad bakong kabilang sato; huli ta kun kabilang ta sinda, nagdanay kutana sinda sa kaibahan ta. Alagad huminale sinda tanganing magin maliwanag nanggad na bako sindang kabilang ta.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.