Salmo 100:5 - Marahay na Bareta Biblia

⁵ Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 100:5 ပူးပေါင်းရင်းမြစ်များ

1 Mga Cronica 16:34

Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran.

Esdras 3:11

Nagpasirimbagan sinda sa pag-awit nin pag-omaw asin pasasalamat sa Kagurangnan: “An Kagurangnan marahayon, asin an saiyang pagkamoot para sa Israel nagdadanay sagkod pa man.” An gabos na tawo nagkurahaw nin makosog sa pag-omaw sa Kagurangnan, huli ta namugtak na an pundasyon kan Templo.

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 106:1

Omawon an Kagurangnan! Magpasalamat kamo sa Kagurangnan, huli ta siya marahayon; huli ta an danay niyang pagkamoot mayo nin kasagkoran!

Salmo 107:1

“Magpasalamat kamo sa Kagurangnan, huli ta siya marahayon; huli ta an saiyang pagkamoot mayo nin kasagkoran!”

Salmo 107:15

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 107:22

Mga sakripisyo nin pasalamat kaipuhan idolot ninda, mga gibo niya kaipuhan ipagrukyaw sa mga awit nin kaogmahan.

Salmo 107:8

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 119:68

Marahay ka asin naggigibo nin karahayan; tukdoe ako kan saimong mga kabotan.

Salmo 138:8

Ootobon nin Kagurangnan an katuyohan niya para sako; Kagurangnan, an saimong pagkamoot mayo nin kataposan. Taposon mo an trabaho na saimong pinonan.

Salmo 146:6

Sa Dios na Kaglalang kan langit asin daga, kan dagat asin kan gabos na yaon sa mga ini. Danay niyang inootob an saiyang mga panuga;

Salmo 25:8

Marahay saka matanos an Kagurangnan; kaya an mga lagalag tinutukdoan niya kan dalan na dapat lakawan.

Salmo 36:5

Kagurangnan, an danay mong pagkamoot nakakaabot sa kalangitan; an saimong pagkamaimbod nakakaabot sa kapanganoronan.

Salmo 52:1

O dakulang tawo, tadaw ta ipinaghahambog mo an saimong karatan, na ginibo mo tumang sa tawong banal?

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.