Salmo 100:3 - Marahay na Bareta Biblia

³ Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

Salmo 100:3 ပူးပေါင်းရင်းမြစ်များ

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

1 Mga Cronica 16:14

An Kagurangnan iyo an satuyang Dios; an mga pagboot niya para sa bilog na kinaban.

An Libro ni Job 10:3

Marahay daw para saimo an mang-api, an magbasang-basang kan gibo nin saimong mga kamot, asin an mag-ogma sa plano kan mga maraot?

Salmo 119:73

Linalang mo ako asin iniingatan; tawe ako nin pakasabot, tanganing manodan ko an saimong mga kabotan.

Salmo 12:4

na an olay, “Huli kan samong dila kami mandadaog. Sasabihon mi an samong minamawot; mayo nin makakapugol samo.”

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 78:52

Dangan siring sa sarong pastor, pinangenotan niya an saiyang banwaan asin dinara sa desyerto.

Salmo 79:13

Dangan kami na saimong banwaan, mga karnero na saimong ataman, magpapasalamat saimo sagkod pa man; ika samong oomawon sa gabos na kapagarakian.

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Parahulit 12:1

Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Ezekiel 34:11

“Ako, an Kagurangnan Dios, an minataram saindo na ako mismo an mahanap kan sakong mga karnero asin maataman sainda,

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 32:6

Arog kaini an pagbalos nindo sa Kagurangnan, kamo na sarong lolong asin mayong isip na banwaan? Siya an saindong ama, saindong Kaglalang, an nagpatindog saindo bilang sarong banwaan.

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Pedro 4:19

Kaya, an mga nagdudusa sosog sa kabotan nin Dios sainda, dapat maggibo nin matanos asin magdusay kan saindang kalag sa maimbod na Kaglalang.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.