Salmo 10:9 - Marahay na Bareta Biblia

⁹ siring sa sarong leon sa saiyang pinagtatagoan. Minahipa siya tanganing madakop an mga dukha; sinisiod niya sinda dangan ginuguyod sa harayo.

Salmo 10:9 ပူးပေါင်းရင်းမြစ်များ

An Libro ni Job 38:40

kun sinda minaukmo sa saindang mga lungib, o minahipa sa saindang mga tagoan?

Salmo 109:31

Huli ta an daing sukat sinusurog niya, asin iliniligtas sa mga nagkokondenar na siya magadan.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 140:5

Mga mapaabaw-abaw nagbugtak nin litag para sako; nagbugtak sinda nin mga siod sa dalan na sakong aagihan.

Salmo 17:12

Naghahalat sinda sako na garong mga leon, naghahalat nganing ako ronoton.

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 37:14

Hinuhugkot kan tampalasan an saindang mga espada asin binibingat an saindang mga pana, tanganing gadanon an mga dukha asin daing sukat; tanganing gadanon an mga naggigibo nin matanos.

Salmo 59:3

Naghihipa sinda sa paggadan sako; mariringis na tawo nagtitiripon tumang sako. Maski dai man ako nin kasalan o karatan,

Mga Talinhaga 14:31

An nag-aapi sa sarong dukha nagtutuyatuya sa saiyang Kaglalang, alagad an nagtatabang sa dukha nag-oomaw saiya.

Mga Talinhaga 22:16

An nagreregalo sa mayaman, o an nag-aapi sa dukha tanganing magyaman magigin dukha man.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Jeremias 5:26

“Nag-eerok sa tahaw kan sakong banwaan an mga maraot na tawo; nanghihipa sinda arog kan mga tawong nagbibiklad nin hikot tanganing magdakop nin mga gamgam, alagad an litag na ibinugtak ninda pandakop nin tawo.

Mga Panambitan 3:10

Hinipaan niya ako siring sa sarong oso, siring sa sarong leon na nagtatago.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Amos 3:4

Minaungal daw an leon sa kadlagan kun dai iyan nakakua nin sarong biktima? Minaungal daw an ogbon na leon kun dai iyan nin nadakop na anoman?

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Habakkuk 1:15

Dinadakop kan mga taga Babilonia an mga tawo sa paagi nin mga banwit, na garo mga sira, asin ginuguyod ninda an mga tawo na nasa laog nin mga hikot. Pakatapos, nagkukurahaw sinda sa kaogmahan huli kan saindang mga nadakop!

Habakkuk 3:14

Tinuhog kan saimong mga bosog an pamayo kan saiyang hukbo kan ini nag-abot siring sa sarong bagyo, sa pagwarak samo, nagngingisi ini arog kan mga tawong hilom na nang-aapi kan mga dukha.

Zacarias 11:3

Naghihibi an mga pamayo sa kamondoan; mayo na an saindang kamurawayan! Dangoga an ungal kan mga leon; raot na an erokan nindang kadlagan sa may Salog nin Jordan!

Juan 10:12

Alagad an parapatandan minadulag kun nakakahiling nin lobo. Binabayaan niya an mga karnero, palibhasa bako siyang pastor asin bako niyang sadiri an mga karnero. Kaya tinatabag kan lobo an mga karnero asin winawarak an mga iyan.

Mga Gibo 23:21

Alagad dai ka magtubod sainda huli ta may sobra sa kwarenta katawo na maghihipa saiya. Gabos sinda nagsumpa na dai makakan o mainom sagkod na magadan ninda siya. Ngunyan andam na sinda asin naghahalat na sana kan saimong simbag.”