Salmo 10:7 - Marahay na Bareta Biblia

⁷ An saiyang ngoso pano nin maldisyon, kaputikan asin pang-aapi; sa dila niya yaon an karibokan asin karatan.

Salmo 10:7 ပူးပေါင်းရင်းမြစ်များ

An Libro ni Job 15:35

Ini an mga tawo na nagpaplano nin kasakitan saka naggigibo nin karatan; an saindang mga puso danay na pano nin pandadaya.”

An Libro ni Job 20:12

“Marahay an namit kan karatan para saiya kaya tinago niya an iba kaiyan sa irarom kan saiyang dila,

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 140:3

Matarom an saindang dila siring kan sa halas; marara an saindang tataramon siring sa kamandag kan kobra.

Salmo 140:9

Dai man logod manggana an sakong mga kaiwal; humugpa logod sainda an karatan na saindang itinaram.

Salmo 144:11

Ligtasan ako sa maringis na mga kaiwal; ligtasan ako sa kamot kan mga dayuhan, na an mga ngoso dai nagtataram nin katotoohan, na an saindang toong kamot nanunumpa sa kaputikan.

Salmo 144:8

na an mga ngoso dai nagtataram nin katotoohan, na an toong kamot nanunumpa sa kaputikan.

Salmo 36:3

An saiyang ngoso pano nin karatan asin kaputikan; mayo na siyang gibong tama asin marahay.

Salmo 41:6

Dinadalaw ninda ako, alagad kaputikan an itinataram; nagtitipon sinda nin maraot na bareta dapit sako, dangan minaluwas asin ibinabalangibog iyan sa gabos na lugar.

Salmo 5:9

Huli ta mayo nin katotoohan sa saindang ngoso; karatan an nasa saindang puso. An saindang halonan sarong bukas na lulubngan; an saindang dila pano nin kaputikan.

Salmo 50:19

“Danay kang andam sa pagtaram nin karatan; daing duwa-duwa kang nagsasabi nin kaputikan.

Salmo 52:4

Namomotan mo an pagratak sa iba, na nakakakulog, O dila na madaya.

Salmo 55:21

An saiyang mga tataramon mahalnas pa ki sa mantika, alagad gera an nasa puso niya; an saiyang mga tataramon malumoy pa ki sa lana, alagad matarom siring sa espada.

Salmo 58:3

Poon na ipangidam, an mga tampalasan naglalagalag na; putikon na sinda poon pagkamundag.

Salmo 59:12

Huli kan kasalan sa saindang mga ngoso, kan mga tataramon na gabos maraot, madakop logod sinda sa saindang kapaabaw-abawan. Huli kan saindang mga pagmaldisyon saka pagputik,

Salmo 59:13

tunawon mo sinda sa saimong kaanggotan, tunawon mo sagkod na sinda mapara, tanganing masabotan kan mga tawo na an Dios naghahade sa Israel, sagkod sa mga poro nin daga.

Salmo 62:4

Boot sana nindong ibaba siya hale sa halangkaw niyang kamugtakan; ikinakaogma nindo an kaputikan. Nagbebendisyon kamo sa paagi kan saindong mga ngoso, alagad nagmamaldisyon sa saindong mga puso.

Salmo 64:3

Tinatais ninda siring sa espada an saindang mga dila; an saindang mga tataramon garong mga bosog na pinapatama.

Salmo 7:14

Uya, an maraot na tawo nag-iisip nin karatan; pano siya nin karibokan asin kaputikan.

Salmo 73:8

Nag-oolog-olog sinda, nagtataram nin maraot; mapaabaw-abaw na nag-iisip nin pang-aapi.

Mga Talinhaga 21:6

An kayamanan na nakukua sa pandadaya sarong ambon na madaling mapara asin litag nin kagadanan.

Mga Talinhaga 30:8

dai mo ako pagpabayaan na magin putikon asin dai mo ako pagpayamanon o pagin dukhaon. Itao mo sako an maninigo ko sanang kakanon.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.