Salmo 10:16 - Marahay na Bareta Biblia

¹⁶ An Kagurangnan hade sagkod pa man. Mawawara sa saiyang daga an mga nagsasamba sa ibang dios.

Salmo 10:16 ပူးပေါင်းရင်းမြစ်များ

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

Salmo 145:13

An kahadean mo mayo nin kapinonan asin mayo nin kataposan, maghahade ka sagkod pa man. An Kagurangnan maimbod sa gabos niyang tataramon, asin maugayon sa gabos niyang gibo.

Salmo 146:10

An Kagurangnan hade sagkod pa man. An saimong Dios, O Sion, maghahade sa panahon na daing kasagkoran. Omawon an Kagurangnan!

Salmo 29:10

An baha pinaghahadean nin Kagurangnan. An Kagurangnan hade sagkod pa man.

Salmo 78:55

Pinahale niya sa daga an mga nag-eerok duman, mantang nagdadangadang an saiyang banwaan; binanga niya an saindang daga sa mga tribu nin Israel asin itinao sa mga Israelita an saindang mga harong.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Salmo 9:5

Sinagwe mo an mga nasyon, rinonot mo an mga maraot; pinara mo an saindang ngaran sagkod lamang.

Salmo 9:8

Pinaghahadean niya an kinaban sa katanosan; an mga banwaan matanos niyang hinuhukoman.

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

Exodo 15:18

Ika, O Kagurangnan, an maghahade sagkod nuarin pa man.”

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Mga Panambitan 5:19

Alagad ika, Kagurangnan, hade sagkod pa man; an saimong trono magdadanay sa gabos na henerasyon.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.