Salmo 1:3 - Marahay na Bareta Biblia

³ Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 1:3 ပူးပေါင်းရင်းမြစ်များ

Genesis 39:23

Kaya daing paghadit an bantay sa ano man na ipinapamahala niya ki Jose, huli ta kaibahan ni Jose an Kagurangnan asin pinauswag ini sa gabos na trabaho.

Genesis 39:3

na nakamasid na iniibahan nin Kagurangnan si Jose asin pinapauswag an gabos na gibo.

2 Mga Hade 18:7

Kaya inibahan siya nin Kagurangnan asin nag-uswag siya sa gabos niyang gibo. Nagrebelde si Ezekias laban sa hade nin Asiria asin habo na siyang maglingkod saiya.

1 Mga Cronica 22:11

Nagpadagos si David, “Ngunyan, aki ko, mapasaimo logod an Kagurangnan tanganing matapos mo an pagpatugdok nin templo para sa Kagurangnan na saimong Dios, sosog sa itinaram niya manongod saimo.

1 Mga Cronica 22:13

Dangan magigin mauswag ka kun kuyogon mo an mga togon asin mga pagboot na itinao nin Kagurangnan ki Moises para sa Israel. Magmakosog ka. Dai ka matakot, ni manluya.

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

2 Mga Cronica 32:23

Dakul an nagduman sa Jerusalem na nagdadara nin mga dolot sa Kagurangnan asin nin mga regalo ki Ezekias na hade nin Juda, kaya poon kaidto inomaw si Ezekias kan gabos na nasyon.

An Libro ni Job 14:9

alagad sa tabang nin tubig, madahon iyan asin masanga siring sa sadit na tinanom.

An Libro ni Job 22:28

Sa gabos mong gibo, magkakaigwa ka nin kauswagan, asin magliliwanag an ilaw sa saimong dalan.

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Salmo 129:8

Mayo sa mga minaagi an nagsasabi sainda, “Bendisyonan ka logod nin Kagurangnan! Benebendisyonan mi ika sa ngaran nin Kagurangnan!”

Salmo 92:14

danay na mabunga, maski gurang na; danay na makosog, danay na berde.

Salmo 92:15

Nagpapahiling ini na an Kagurangnan matanos, na mayo nin karatan sa sakong parasurog.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Isaias 44:4

Matalubo sinda siring sa mga doot na dai nagkukulang sa tubig, siring sa mga kahoy sa tampi kan nagbubulos na tubig.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Jeremias 17:8

Arog siya sa sarong kahoy na nagtatalubo harani sa sapa, na an mga gamot pasiring sa tubig. Dai ini natatakot sa pag-abot kan tig-init, huli ta nagdadanay na berde an saiyang mga dahon; mayo ini nin kahaditan kun mayo nin uran; padagos ining namumunga.

Ezekiel 17:8

Alagad an balagon nakatanom na sa sarong matubang asin matubig na oma, tanganing magkaigwa siya nin dakul na sanga saka bunga, dangan magin sarong magayon na balagon.

Ezekiel 19:10

An saimong ina arog sa sarong tinanom na ubas, na itinanom sa tampi nin sapa. Huli ta dakul an tubig, an tinanom nagin madahon saka mabunga.

Ezekiel 31:5

Kaya an kahoy na iyan naghalangkaw orog pa ki sa arin man na kahoy sa kadlagan. Nagdarakula saka nagharalaba an mga sanga kaiyan.

Ezekiel 47:12

Sa mag-ibong na pangpang kan sapa matalubo an gabos na klase nin kahoy tanganing magtao nin kakanon. Dai maaalang an mga dahon kaiyan asin dai iyan mawawaraan nin bunga. Mabunga iyan bulan-bulan, huli ta natutubigan iyan kan sapa na nagbubulos hale sa Templo. An saindang bunga magigin pagkakan asin saindang mga dahon gagamiton sa pagbolong.”

Mga Bilang 24:6

Arog sa mga kapantayan na mahiwas, Arog sa mga tatamnan sa tampi nin salog; Arog sa mahamot na mga tinanom nin Kagurangnan, Arog sa mga kahoy na sedro sa kataed nin katubigan.

Mateo 13:6

Alagad pagsirang kan aldaw nagkaaralang idto huli ta dai nakagamot nin hararom.

Mateo 21:19

Nakahiling siya nin kahoy na higera sa gilid kan tinampo kaya dinolok niya idto. Alagad mayo siyang nahiling na bunga kundi mga dahon sana. Kaya minaldisyon niya idto, “Dai ka na mamumunga sagkod lamang!” Naalang tolos an kahoy na higera.

Mateo 21:34

Pag-abot kan tiggunoan, sinugo niya an saiyang mga sorogoon nganing kuahon an kahirasan niya.

Mateo 21:41

Nagsimbag sinda, “Gagadanon niya idtong mga maraot na tumatawo. Pakatapos, an ubasan ipapaataman niya sa iba na magtatao saiya kan kahirasan niya sa oras nin tiggunoan.”

Juan 15:6

An dai magdanay sako iaapon saka naaalang arog kan sanga. An siring na mga sanga tinitipon dangan isinusugba sa kalayo.

Deuteronomio 28:8

“Bebendisyonan nin Kagurangnan na saindong Dios an saindong mga trabaho dangan papanoon niya nin inani an saindong mga harong-harong; bebendisyonan niya kamo sa daga na itatao niya saindo.

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.

Kapahayagan 22:2

sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.