Ruth 4:6 - Marahay na Bareta Biblia

⁶ Nagsimbag an lalaki, “Kun siring, dai ko gagamiton an sakuyang deretso sa pagbakal kan oma, huli ta nangangahulogan iyan na dai man mamamana kan sakong mga aki an daga. Ika na an magbakal.”

Ruth 4:6 ပူးပေါင်းရင်းမြစ်များ

Genesis 38:8

Sinabihan ni Juda si Onan, “Dorogi an balo kan saimong tugang, asin otoba an katongdan nin sarong bayaw tanganing magkaigwa nin aki an saimong tugang.”

Levitico 25:25

Kun magin dukha an sarong Israelita asin mapiritan siya na ipabakal an saiyang daga, an pinakaharani niyang kadugo iyo an mabalukat kaiyan.

Deuteronomio 25:7

Alagad kun an tugang kan nagadan magsayuma sa pag-agom kan balo, maduman an balo sa mga lider kan banwaan asin masabi, ‘Habong papagdanayon sa Israel kan sakong bayaw an ngaran kan saiyang tugang. Habo niyang gibohon sa sako an saiyang katongdan sa nagadan niyang tugang.’

Deuteronomio 25:8

Dangan an lalaki aapodon kan mga lider kan banwaan asin kakaolayon. Kun padagos siyang magsayuma sa pag-agom kan balo,

Deuteronomio 25:9

sa atubang kan mga lider kan banwaan, tatangkason kan balo an saro kan mga sandalyas kan lalaki, lulutaban siya sa lalawogon asin sasabihan, ‘Iyo ini an dapat gibohon sa lalaking habong magtao nin aki sa saiyang tugang.’

Ruth 2:20

“Bendisyonan logod nin Kagurangnan si Boaz,” an olay ni Naomi. “Inootob nanggad nin Kagurangnan an saiyang mga panuga sa mga nabubuhay asin sa mga gadan.” Nagpadagos siya, “An tawong iyan harani ta pang kadugo; saro siya sa may katongdan na mag-ataman sato.”

Ruth 3:13

Digdi ka sana ngunyan na banggi asin sa aga, aaramon ta kun aakoon niya o dai an katongdan niya saimo. Kun gibohon niya, marahay; kun dai, minasumpa ako sa buhay na Dios na aakoon ko an katongdan. Magkatorog ka na digdi sagkod na mag-aga.”

Ruth 3:9

“Siisay ka?” an hapot ni Boaz. “Ako si Ruth,” an simbag niya. “Huli ta harani ka pang kadugo, katongdan mo an pag-ataman sako.”