Ruth 4:5 - Marahay na Bareta Biblia

⁵ Nagsimbag si Boaz, “Sa aldaw na bakalon mo ki Naomi an oma, binabakal mo man si Ruth, an Moabitang balo, tanganing an oma danay na masadirihan kan pamilya kan nagadan.”

Ruth 4:5 ပူးပေါင်းရင်းမြစ်များ

Genesis 38:8

Sinabihan ni Juda si Onan, “Dorogi an balo kan saimong tugang, asin otoba an katongdan nin sarong bayaw tanganing magkaigwa nin aki an saimong tugang.”

Mateo 22:24

Hinapot ninda si Jesus, “Maestro, nagsabi si Moises na kun an agom na lalaki magadan na mayong aki, kaipuhan agomon kan tugang niya an balo tanganing magkaaki sinda para sa nagadan niyang tugang.

Lukas 20:28

“Maestro, nagsurat si Moises kaining pagboot para sato, ‘Kun magadan an sarong lalaki dangan mabayaan an agom niya na mayong aki, kaipuhan agomon kan tugang niyang lalaki an balo, tanganing magkaaki sinda para sa nagadan niyang tugang.’

Deuteronomio 25:7

Alagad kun an tugang kan nagadan magsayuma sa pag-agom kan balo, maduman an balo sa mga lider kan banwaan asin masabi, ‘Habong papagdanayon sa Israel kan sakong bayaw an ngaran kan saiyang tugang. Habo niyang gibohon sa sako an saiyang katongdan sa nagadan niyang tugang.’