Ruth 4:15 - Marahay na Bareta Biblia

¹⁵ Namomotan ka kan saimong manugang asin orog pa siya ki sa pitong aking lalaki; tinawan ka niya nin sarong makoapo. Ini an magtatao saimo nin bagong kosog asin mag-aataman saimo sa saimong paggurang.”

Ruth 4:15 ပူးပေါင်းရင်းမြစ်များ

Genesis 45:11

Kun nasa Goshen ka na, maaataman taka. Lima pang taon an grabeng gutom; habo kong magutom kamo—ika, an saimong pamilya saka an saimong mga hayop.’”

Genesis 47:12

Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Salmo 55:22

Iwalat nindo sa Kagurangnan an saindong mga kasakitan, asin susurogon niya kamo; dai siya matugot na matanyog an mga matanos.

Mga Talinhaga 18:24

May pagkakatood na dai naghahaloy, alagad may katood na labi pa sa tugang.

Isaias 46:4

Ako an saindong Dios asin aatamanon ko kamo sagkod na kamo maggurang saka magputi an saindong buhok. Ako an naggibo saindo asin ako an maataman saindo; tatabangan ko kamo asin ililigtas ko kamo.

Ruth 4:16

Kinua ni Naomi an aki, kinugos nin marahay, asin inataman.

1 Samuel 1:8

Hinahapot siya ni Elkana na saiyang agom, “Hanna, tadaw ta naghihibi ka? Tano ta habo kang magkakan? Tadaw ta mamondo ka? Bakong mas mahalaga ako saimo ki sa sampolong aking lalaki?”

1 Samuel 2:5

An mga tawong dating barasog nagpapatandan ngunyan, tanganing makakua sana nin pagkakan, alagad an mga dating nagugutom, basog na ngunyan. An babaeng baog nangaki nin pito, alagad an ina nin dakul dai natadaan maski saro.