Ruth 4:10 - Marahay na Bareta Biblia

¹⁰ Siring man, magigin agom ko si Ruth, an Moabitang balo ni Malon tanganing an pagrogaring danay na masadirihan kan pamilya kan nagadan, asin dai mapara an saiyang ngaran sa linya kan saiyang mga tugang sagkod sa saiyang banwaan. Mga saksi kamo ngunyan.”

Ruth 4:10 ပူးပေါင်းရင်းမြစ်များ

Genesis 29:27

Taposon mo ngona an sarong semanang selebrasyon nin pagkasal, dangan itatao mi saimo si Rachel, kun paglilingkodan mo giraray ako nin pitong taon.”

Genesis 38:9

Alagad aram ni Onan na dai man mapapasaiya an aki, kaya kan dorogan niya an agom kan saiyang tugang, inula niya sa daga an saiyang semilya, tanganing dai niya matawan nin aki an saiyang tugang.

Salmo 109:15

An saindang kasalan danay logod na magiromdoman nin Kagurangnan; alagad malingawan logod sinda sagkod pa man!

Salmo 34:16

alagad saiyang kinakalaban an mga naggigibo nin karatan, tanganing kun sinda magadan, dai na magiromdoman.

Mga Talinhaga 18:22

An pakaagom nin marahay na babae sarong kaogmahan; nagpapahiling iyan na nawiwilihan ka nin Kagurangnan.

Mga Talinhaga 19:14

Namamana sa mga magurang an harong asin kayamanan, alagad hale sa Kagurangnan an marahay na agom.

Isaias 48:19

Siring kutana kadakul sa baybay kan dagat an saindong kapagarakian, asin dai nanggad sinda mapupuho o matutunaw sa sakong atubang.”

Oseas 12:12

Nagdulag an satong ginikanan na si Jacob pasiring sa Mesopotamia asin duman nag-agom. Nagtrabaho siya sa ibang tawo saka nag-ataman kan mga karnero kaini tanganing maagom an babaeng idto.

Oseas 3:2

Kaya nagbayad ako nin kinseng pedasong plata saka syento singkwenta kilos nin sebada tanganing bakalon siya.

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.

Malakias 2:14

Minahapot kamo kun tano ta habo na niyang akoon an mga iyan. Huli ta aram niya na linapas nindo an saindong panuga sa babaeng inagom nindo kan mga hoben pa kamo. Siya an saindong kaiba, asin linapas nindo an saindong panuga saiya maski nanuga kamo sa atubangan nin Dios na magigin maimbod saiya.

Efeso 5:25

Mga lalaki, kamotan nindo an saindong agom siring kan pagkamoot ni Cristo sa simbahan; idinusay niya an saiyang buhay para sa simbahan,

Deuteronomio 25:6

An matua nindang lalaki mimidbidon na aki kan nagadan na tugang, tanganing an ngaran kaini dai mapara sa Israel.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”

Ruth 4:9

Dangan nagsabi si Boaz sa mga lider sagkod sa gabos na yaon duman, “Mga saksi kamo ngunyan na binakal ko ki Naomi an gabos na pagsadiri ni Elimelek, asin kan mga aki niya na si Chilion saka si Malon.