Ruth 3:7 - Marahay na Bareta Biblia

⁷ Pakatapos na magkakan asin mag-inom ni Boaz, maogma siyang nagduman sa tambak kan sebada dangan duman nagkatorog. Luway-luway na nagdolok saiya si Ruth, hinale an tahob kan saiyang bitis, asin naghigda sa pamitisan niya.

Ruth 3:7 ပူးပေါင်းရင်းမြစ်များ

Genesis 43:34

Dinarahan sinda nin pagkakan hale sa lamesa ni Jose asin si Benjamin dinarahan nin pagkakan na limang beses kadakul ki sa ibang tugang niya. Nagkakan sinda asin nag-inom sa kaibahan ni Jose sagkod na naburat sinda.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

1 Mga Hade 21:7

“Bakong ika an hade nin Israel?” an simbag saiya ni Jezebel. “Magbangon ka, mag-ogma saka magkakan. Kukuahon ko para saimo an ubasan ni Nabot!”

Esther 1:10

Kan ikapitong aldaw kan bangkete, burat na asin maogma an hade, kaya ipinaapod niya si Mehuman, Bizta, Harbona, Bigta, Abagta, Zetar, asin si Carkas, an pitong eunuko na personal na sorogoon kan hade.

Salmo 104:15

asin arak para sa kaogmahan nin saiyang puso, lana sa pagpakintab kan saiyang lalawogon, asin tinapay sa pagpakosog saiya.

Parahulit 10:19

An tinapay nakakapaogma, asin an arak nakakapagian sa buhay; alagad dai iyan makakamtan kun mayo nin kwarta.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”

Hukom 19:6

Kaya nagtukaw an duwang lalaki asin nagkakan saka nag-inom. Dangan sinabihan siya kan ama kan babae, “Magpaaga ka na asin mag-ogma.”

Hukom 19:9

Kan magtindog na tanganing maglakaw an lalaki asin an saiyang kasaroan patin an saiyang sorogoon, nagsabi an ama kan babae, “Nagdidiklom na, kaya digdi na ngona kamo magpaaga. Mag-ogma ka asin sa agang amay ka na maghale.”

Ruth 3:6

Kaya nagduman si Ruth sa ginikan asin ginibo an mga sinabi kan saiyang panugangan na babae.

Ruth 3:8

Kan matanga na an banggi, nagimata si Boaz. Nakubhanan siya kan mahiling na may babaeng nakahigda sa pamitisan niya.