Ruth 3:14 - Marahay na Bareta Biblia

¹⁴ Kaya nagkatorog si Ruth sa pamitisan ni Boaz, alagad nagbangon siya bago magliwanag huli ta habo ni Boaz na may makaaram na nagduman siya sa ginikan.

Ruth 3:14 ပူးပေါင်းရင်းမြစ်များ

Parahulit 7:1

An marahay na ngaran mas marahay ki sa mamahalon na olor; an aldaw nin kagadanan, mas marahay ki sa aldaw nin pagkamundag.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Roma 14:16

Ingatan nindo na an marahay para saindo dai pagsabihon na maraot kan iba.

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

2 Corinto 8:21

An tuyo mi iyo an paggibo kan tama, bako sana sa atubang nin Kagurangnan, kundi sa atubang man nin mga tawo.

1 Tesalonica 5:22

Likayan nindo an gabos na maraot.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

Ruth 3:15

Sinabihan siya ni Boaz, “Hukasa an saimong alikboy asin ibiklad mo digdi.” Ibiniklad ni Ruth an alikboy saka tinakadan ini ni Boaz nin beynte kilos na sebada asin ibinugtak sa abaga ni Ruth. Dangan nagpuli siya sa banwa na dara an sebada.