Ruth 3:13 - Marahay na Bareta Biblia

¹³ Digdi ka sana ngunyan na banggi asin sa aga, aaramon ta kun aakoon niya o dai an katongdan niya saimo. Kun gibohon niya, marahay; kun dai, minasumpa ako sa buhay na Dios na aakoon ko an katongdan. Magkatorog ka na digdi sagkod na mag-aga.”

Ruth 3:13 ပူးပေါင်းရင်းမြစ်များ

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

2 Corinto 1:23

Saksi ko an Dios—aram niya an nasa puso ko! Dai na ngona ako nagdiyan sa Corinto tanganing ikalikay kamo sa kulog nin boot.

Hebreyo 6:16

Totoo na kun minasumpa an tawo, ginagamit niya an ngaran nin sarong mas dakula ki sa saiya, asin an sumpang iyan an minatapos kan gabos na diskutiran.

Hukom 8:19

Nagsabi si Gideon, “Mga tugang ko sinda; aki kan sakong ina. Isinusumpa ko sa ngaran nin Kagurangnan, na kun dai nindo sinda ginaradan, dai ko man kamo gagadanon.”

Ruth 2:20

“Bendisyonan logod nin Kagurangnan si Boaz,” an olay ni Naomi. “Inootob nanggad nin Kagurangnan an saiyang mga panuga sa mga nabubuhay asin sa mga gadan.” Nagpadagos siya, “An tawong iyan harani ta pang kadugo; saro siya sa may katongdan na mag-ataman sato.”

Ruth 3:12

Totoo na ako harani pang kadugo asin may katongdan ako saimo, alagad may saro pang mas haraning kadugo ki sa sako.

Ruth 4:5

Nagsimbag si Boaz, “Sa aldaw na bakalon mo ki Naomi an oma, binabakal mo man si Ruth, an Moabitang balo, tanganing an oma danay na masadirihan kan pamilya kan nagadan.”

Ruth 4:6

Nagsimbag an lalaki, “Kun siring, dai ko gagamiton an sakuyang deretso sa pagbakal kan oma, huli ta nangangahulogan iyan na dai man mamamana kan sakong mga aki an daga. Ika na an magbakal.”