Ruth 3:12 - Marahay na Bareta Biblia

¹² Totoo na ako harani pang kadugo asin may katongdan ako saimo, alagad may saro pang mas haraning kadugo ki sa sako.

Ruth 3:12 ပူးပေါင်းရင်းမြစ်များ

Mateo 7:12

“Kaya gibohon nindo sa iba an boot nindong gibohon ninda saindo. Ini an kahulogan kan Katogonan ni Moises asin kan mga katukdoan kan mga propeta.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

Ruth 2:20

“Bendisyonan logod nin Kagurangnan si Boaz,” an olay ni Naomi. “Inootob nanggad nin Kagurangnan an saiyang mga panuga sa mga nabubuhay asin sa mga gadan.” Nagpadagos siya, “An tawong iyan harani ta pang kadugo; saro siya sa may katongdan na mag-ataman sato.”

Ruth 3:11

Dai ka maghadit, Ruth. Gigibohon ko an gabos mong hinahagad huli ta aram kan gabos kong kahimanwa na marahay kang babae.

Ruth 3:13

Digdi ka sana ngunyan na banggi asin sa aga, aaramon ta kun aakoon niya o dai an katongdan niya saimo. Kun gibohon niya, marahay; kun dai, minasumpa ako sa buhay na Dios na aakoon ko an katongdan. Magkatorog ka na digdi sagkod na mag-aga.”

Ruth 4:1

Nagduman si Boaz sa may trangkahan kan banwa, sa lugar na pinagtitiriponan kan mga tawo, asin nagtukaw duman. Dai nahaloy, nag-agi an sinabi niyang pinakaharaning kadugo ni Elimelek. Inapod siya ni Boaz, “Katood, madya asin tukaw ngona digdi.” Kaya nagrani an inapod asin nagtukaw.

Ruth 4:4

asin pinagmarahay ko na ipaisi saimo iyan. Ngunyan, kun boot mong bakalon iyan, bakalon mo sa atubangan kan mga tawong nagtuturukaw digdi. Alagad kun habo mo, magsabi ka sana, huli ta ika an enot na may deretso sa pagbakal kan daga, asin ako an ikaduwa.” “Babakalon ko,” an simbag kan lalaki.